ᐱᓇᓱᐊᑦᓴᖅ ᕿᒥᕐᕈᒍᑕᐅᓂᕐᒧᑦ ᒪᓂᓚᖓᓗᒍ
ᑫᓪᓗᑐᕐᑏᑦ ᐱᓇᓱᐊᑦᓴᒥᒃ ᑲᔪᓯᑎᑦᓯᒍᒪᔪᑦ ᓄᓇᕕᐅᑉ ᐃᓗᐊᓂ ᐱᒋᐊᙵᓂᖓᓂ ᖃᐅᔨᒪᐅᑎᓂᒃ ᑎᑭᑎᑦᓯᒋᐊᖃᕐᑎᑕᐅᔪᑦ ᑐᕐᖃᑕᕐᕕᐅᑉ ᑐᖓᓕᐊᓄᑦ ᑐᕐᖃᑕᕐᕕᒥ ᒪᑭᑕᒍᓐᓇᓚᖓᔪᓂᒃ ᐱᕙᓪᓕᐊᑎᑦᓯᓂᕐᒧᑦ, ᐊᕙᑎᓕᕆᓂᕐᒧᑦ ᐊᒻᒪᓗ ᓯᓚᐅᑉ ᐊᓯᑦᔨᐸᓪᓕᐊᓂᖓᓂᒃ ᐊᑭᓂᐊᕐᓂᒧᑦ, ᑖᓐᓇᓗ ᑖᒃᑯᓂᖓ ᑎᑭᑎᑦᓯᓂᐊᕐᓱᓂ ᕗᕆᒋᕋ-ᑯᓄᑦ ᕿᒥᕐᕈᒍᑕᐅᖁᓗᒋᑦ.
Mme. Marie-Josée Lizotte
Sous-ministre
Ministère de l’Environnement
de la Lutte contre les changements climatiques
dela forêt et des parcs
Édifice Marie-Guyart, 30e étage, boîte 02
675, boulevard René-Lévesque Est
Québec (Québec) G1R 5V7
Courriel : Marie-josee.lizotte@environnement.gouv.qc.ca
ᑖᒃᑯᐊ ᐱᒋᐊᙵᓂᖓᓂ ᖃᐅᔨᒪᒍᑎᑦᓭᑦ ᒪᑯᓂᖓ ᐃᓚᖃᕆᐊᓖᑦ:
- ᓇᓗᓀᕐᓯᒍᑎ ᐱᓇᓱᐊᑦᓴᐅᑉ ᑫᓪᓗᐊᑎᖏᓐᓂᒃ ᐊᒻᒪᓗ ᑖᒃᑯᐊ ᐃᓱᒪᓕᐅᕐᑎᖓᓂᒃ, ᑕᒪᓐᓇ ᒥᑦᓯᖃᕐᐸᑦ;
- ᐱᓇᓱᐊᑦᓴᐅᑉ ᐊᑎᖓ;
- ᐱᓇᓱᐊᑦᓴᐅᑉ ᑐᕌᕐᑕᖏᑦ ᐊᒻᒪᓗ ᑐᑭᖃᕐᓂᖓ;
- ᐱᓇᓱᐊᑦᓴᐅᑉ ᓱᑯᑦᓯᓗᑐᕐᒦᓂᖓ ᐊᒻᒪᓗ ᐸᕐᓇᓯᒪᐅᑏᑦ ᕿᒥᕐᕈᓚᖓᓂᕐᒥᒃ ᐊᓯᑦᓴᖏᓐᓂᒃ ᐃᓂᓂᒃ ᑕᒪᓐᓇ ᓈᒻᒪᓈᑐᐊᕐᐸᑦ;
- ᐅᓕᕐᓀᓯᒌᕈᑏᑦ ᐱᓇᓱᐊᑦᓴᒥᒃ ᐊᒻᒪᓗ ᐊᑦᔨᒌᓕᙱᒍᓐᓇᕈᑎᖏᓐᓂᒃ;
- ᐅᐊᕈᑕᐅᔪᑦ ᐱᒻᒪᕆᐅᓂᖏᑦ ᐆᒪᔪᐃᑦ ᑕᖏᓖᑦ ᐊᒻᒪᓗ ᐃᓄᐃᑦ ᐊᕙᑎᖏᓐᓄᑦ;
- ᓱᕐᕂᒍᑕᐅᓚᖓᔪᑦ ᐱᒻᒪᕆᐅᓂᖏᑦ ᐱᓇᓱᐊᑦᓴᐅᑉ ᓂᕆᐅᓐᓇᑎᑕᖏᑦ;
- ᖃᓄᖅ ᐸᕐᓇᓯᒪᓂᖓ ᖃᐅᔨᒪᑦᑎᓯᒍᑕᐅᓚᖓᓗᓂ ᐊᒻᒪᓗ ᐃᓱᒪᑦᓴᓯᐅᕈᑕᐅᓚᖓᓗᓂ ᐃᓄᓕᒫᓂᒃ;
- ᐱᓇᓱᐊᑦᓴᐅᑉ ᐅᓪᓗᖏᑦ;
- ᑭᖑᓂᖓᓂ ᐱᓇᓱᐊᕐᑕᐅᓂᑦᓴᖏᑦ ᐊᒻᒪᓗ ᑕᒪᑐᒧᖓ ᐊᑦᑐᐊᓱᑎᒃ ᐱᓇᓱᐊᑦᓴᕈᓛᕐᒥᔪᑦ;
- ᐱᓇᓱᐊᑦᓴᖅ “ᓱᕐᖁᐃᓯᐊᙱᑐᒦᑦᑐᖅ” ᐱᑦᔪᑎᒋᓗᒍ, ᑐᕂᓐᓇᓗᓂ ᐊᑐᕆᐊᖃᑦᓴᐅᑎᒋᙱᑐᖅ ᐅᕝᕙᓘᓐᓃᑦ ᖃᓗᔭᐅᒪᙱᑐᖅ ᕿᒥᕐᕈᒍᑕᐅᒋᐊᓕᓐᓄᑦ ᐃᓚᐅᓂᑯᖓᓄᑦ ᐱᓇᓱᐊᑦᓴᓄᑦ ᓈᓴᕐᑕᐅᔪᓄᑦ ᓈᓭᑎᓂ 1 ᐊᒻᒪᓗ 2-ᒥ ᔪᕼᓇᒋᒍ ᐃᓗᐊᓂ, ᑫᓪᓗᐊᑎᖓ ᓄᐃᑦᓯᒋᐊᓕᒃ ᓈᒻᒪᑐᓂᒃ ᖃᐅᔨᒪᒍᑎᑦᓴᓂᒃ ᑐᑭᑖᕐᑐᐃᔩᑦ ᑲᔪᓯᑎᑦᓯᒍᑎᒋᒍᓐᓇᑕᖏᓐᓂᒃ ᓱᓇᒥᓪᓗᒍ ᕿᒥᕐᕈᒋᐊᙵᓂᕐᒥᒃ ᐱᓇᓱᑦᓴᐅᑉ ᐃᓄᓐᓂᒃ ᐊᒻᒪᓗ ᐊᕙᑎᓂᒃ ᓱᕐᕂᓚᖓᓂᖓᓂᒃ ᐊᒻᒪᓗ ᓇᓗᓀᕐᓯᒍᑎᒋᒍᓐᓇᑕᖏᓐᓂᒃ ᐱᓇᓱᐊᑦᓴᖅ ᐊᑐᕐᑐᓴᐅᒻᒪᖔᑦ ᐊᑐᕐᑐᓴᐅᙱᒪᖔᓪᓗ ᕿᕐᒥᕈᒍᑕᐅᓂᕐᒥᒃ. here.
ᐱᕕᖃᕐᒥᔪᖅ ᐊᑐᕐᓗᓂ ᐊᓪᓚᓯᒪᔪᒥᒃ ᐆᒥᖓ ᐱᒋᐊᙵᓂᖓᓂ ᖃᐅᔨᒪᒍᑏᑦ ᓄᓇᒥ ᑕᕐᕋᕙᓯᑦᑐᒥ ᐱᓇᓱᐊᑦᓴᐅᑉ ᒥᑦᓵᓄᑦ ᑕᒡᒐᓂ ᐱᔭᑦᓴᐅᔪᒥᒃ.
KEQC-ᑯᑦ ᑲᑎᒪᓲᖑᕗᑦ ᐃᑭᓈᕐᓂᐹᖓᓄᑦ ᐱᖓᓲᔪᕐᑐᕕᑦᓱᑎᒃ ᐊᕐᕌᒍᑕᒫᑦ. ᖃᐅᔨᒪᒍᑏᑦ ᑫᒥᑕᐅᒋᐊᕐᑐᓂᒃ ᐱᓇᓱᐊᑦᓴᓂᒃ ᒪᓂᖃᑦᑕᕆᐊᓖᑦ ᐊᐅᓚᑦᓯᔨᒻᒪᕆᒻᒧᑦ ᐃᑭᓈᕐᓂᐹᖓᓄᑦ ᐱᖓᓲᔪᕐᑐᓄᑦ ᐱᓇᓱᐊᕈᓯᕐᓄᑦ ᓯᕗᓪᓕᐅᑎᓪᓗᒋᑦ ᑭᖑᓪᓕᒥᒃ ᑲᑎᒪᓂᑦᓴᖓᓄᑦ, ᓈᒻᒪᑐᒥᒃ ᐱᕕᖃᕐᓂᐊᒪᑕ ᕿᒥᕐᕈᒍᓐᓇᓯᕕᑦᓴᒥᒃ ᑫᒥᑕᐅᒍᒪᔪᒥᒃ, ᓇᓗᓀᕐᓯᒍᓐᓇᓯᓗᑎᓪᓗ ᖃᐅᔨᒪᒍᑎᒋᐊᓪᓓᑦ ᐱᒋᐊᖃᕐᖔᑕ, ᐊᒻᒪᓗ ᐊᑐᐃᓐᓇᕈᐃᒍᓐᓇᓂᐊᕐᒪᑕ ᐊᑐᕆᐊᖃᕐᓂᐊᑐᓂᒃ ᑭᖑᓪᓕᒥᒃ ᑲᑎᒪᓂᕐᒥ. KEQC-ᑯᑦ ᐃᑉᐱᒍᓱᑉᐳᑦ ᓱᓇᑐᐃᓐᓇᓂᒃ ᐊᐅᓚᑦᓯᒋᐊᖃᕐᓂᐅᑉ ᓯᓚᐅᓪᓗ ᐊᕝᕕᐊᓗᑕᐅᓂᖏᓐᓂᒃ ᐱᓇᓱᐊᑦᓴᒥᒃ ᑲᔪᓯᑎᑦᓯᓂᕐᒧᑦ ᓄᓇᕕᐅᑉ ᐃᓗᐊᓂ, ᐊᒻᒪᓗ ᐱᕕᓕᒫᖓᓄᑦ ᑲᔪᓯᒐᓱᐊᓲᖑᕗᑦ ᑮᓇᐅᔭᕐᑐᓗᐊᕐᑌᓕᒐᓱᐊᕐᓱᑎᒃ ᐱᓇᓱᐊᑦᓴᓂᒃ ᑫᒥᑕᐅᒍᒪᔪᓂᒃ ᕿᒥᕐᕈᓂᕐᒥᒍᑦ.
ᑐᑭᓯᒋᐊᑦᓯᐊᕈᒪᒍᑦᓯ, ᐅᖃᕐᓗᓯ ᕗᕆᒋᕋ-ᑯᑦ ᐊᓪᓚᑎᖃᕐᕕᖓᓄᑦ.
PO box 238
Kangiqsujuaq (Québec) J0M 1K0
Telephone: 819 338-0880
Email: secretariat@keqc-cqek.ca