ᐃᓄᓕᒫᑦ ᐃᓚᐅᖃᑕᐅᓂᖓᑦ

ᐃᓄᓕᒫᑦ ᐃᓚᐅᖃᑕᐅᓂᖓᑦ ᐃᓄᖃᑎᒌᓂᒃ ᐊᕙᑎᒥᓪᓗ ᑲᙳᓇᕿᓂᐅᑉ ᐱᕐᕈᓯᖓᓄᑦ ᓱᕐᖁᐃᕈᑕᐅᕗᖅ ᓄᓇᓯᒪᔪᐃᑦ ᐊᒻᒪᓗ ᐊᑕᐅᓯᐅᓕᖓᖃᑎᒌᑦ ᐊᑦᑐᐊᔭᐅᔪᑦ ᐱᓇᓱᐊᑦᓴᒧᑦ ᑫᒥᑕᐅᒍᒪᔪᒧᑦ, ᐅᕝᕙᓘᓐᓃᑦ ᑐᕂᓐᓇᑐᒥᒃ ᓱᕐᕋᑕᐅᓚᖓᔪᑦ ᑕᒪᑐᒧᖓ, ᑐᓴᐅᒪᑎᑕᐅᖏᓐᓈᓂᖓᓂᒃ ᐊᒻᒪᓗ ᐱᕕᑦᓴᖃᕐᑎᑕᐅᓂᖓᓂᒃ ᐅᖃᖃᑕᐅᓂᕐᒥᒃ ᐃᓱᒪᒋᔭᒥᓂᒃ, ᐃᓱᒫᓘᑎᒥᓂᒃ, ᐅᖃᐅᓯᑦᓴᒥᓂᒃ ᐅᕝᕙᓗᓐᓃᒃ ᐱᐅᓯᐅᖁᔭᒥᓂᒃ ᖃᓄᓕᒫᖅ ᐱᓇᓱᐊᑦᓴᐅᑉ ᒥᑦᓵᓅᓕᖓᔪᖅ ᐱᑦᔪᑎᒋᓗᒍ.

ᐃᓚᖓ 23.3.27-ᒥ JBNQA ᐃᓗᐊᓂ ᐃᓗᓕᓕᒃ ᐋᕐᕿᓯᒪᒍᑎᒥᒃ ᐃᒫᒃ ᓇᐅᑐᐃᓐᓀᑦ ᐃᓄᐃᑦ ᐊᑐᓂ, ᐊᑕᐅᓯᐅᓕᖓᑎᒌᑦ, ᐅᕝᕙᓘᓐᓃᑦ ᓄᓇᓕᒃ ᐊᓪᓚᓯᒪᔪᕐᑎᒍᑦ KEQC-ᑯᓄᑦ ᐅᖃᐅᓯᑦᓴᓕᐅᕈᓐᓇᑎᓪᓗᒋᑦ ᐱᑦᔪᑎᓕᓐᓂᒃ ᓇᐅᑐᐃᓐᓇᒥᒃ ᐱᓇᓱᐊᑦᓴᒥᒃ ᕿᒥᕐᕈᓂᖓᑕ ᐱᑦᔪᑎᖓᓂᒃ. ᓱᓕᒋᐊᓪᓚᒃ, KEQC-ᑯᑦ ᐱᕕᖃᕐᒥᔪᑦ, ᑌᒣᒋᐊᖃᕐᑐᕆᓕᑐᐊᕈᑎᒃ, ᙯᖁᔨᓂᕐᒥᒃ ᑯᒻᒪᓲᑎᑦᓴᓕᓐᓂᒃ ᐅᖃᐅᓯᑦᓴᒥᓂᒃ ᐅᖃᕆᐊᕐᑐᖁᓗᒋᑦ ᑕᒡᒍᒧᑦ. ᑕᒪᓐᓇ ᐃᓱᒪᒥᐅᑕᕆᑦᓱᒍ, KEQC-ᑯᑦ ᓴᓇᓯᒪᔪᑦ ᖃᐅᔨᒪᒍᑎᓕᕆᓂᐅᑉ ᐊᒻᒪᓗ ᐃᓄᓐᓂᒃ ᐃᓱᒪᑦᓴᓯᐅᕐᓂᐅᑉ ᐱᕐᕈᓯᖓᓂᒃ.

ᐃᓘᓐᓈᒍᑦ ᐅᖃᕐᓗᓂ, KEQC-ᑯᑦ ᑐᙵᓱᑦᑎᓯᓲᖑᕗᑦ ᐅᖃᐅᓯᑦᓴᓂᒃ ᐱᑦᔪᑎᓕᓐᓂᒃ ᓇᐅᑐᐃᓐᓇᓂᒃ ᐱᓇᓱᐊᑦᓴᓂᒃ ᒪᓂᔭᐅᓯᒪᔪᓂᒃ ᕿᒥᕐᕈᔭᐅᓂᕐᒧᑦ ᐊᒻᒪᓗ ᑐᑭᓯᓂᐊᕐᑕᐅᓂᕐᒧᑦ. ᑌᒃᑯᓇᓂ ᐃᓚᖃᓚᖓᔪᓂ ᐱᒻᒪᕆᐅᑎᓂᒃ ᐃᓅᖃᑎᒌᓐᓂᒧᑦ ᐊᒻᒪᓗ ᐊᕙᑎᒧᑦ ᓱᕐᕋᕈᑎᓂᒃ ᐅᕝᕙᓘᓐᓃᑦ ᐊᖏᔪᖑᐊᓂᒃ ᐃᓱᒪᓕᐅᕈᑎᑦᓴᓂᒃ ᐅᐊᕈᑎᓕᓐᓂ, KEQC-ᑯᑦ ᑐᑭᑖᕈᓐᓇᑐᑦ ᐃᓄᓕᒫᓄᑦ ᒪᑐᐃᙶᑐᓂᒃ ᑲᑎᒪᑎᑦᓯᓂᖃᕐᓂᐊᓗᑎᒃ ᑐᓵᓂᐊᕋᒥᒃ ᑌᒃᑯᐊ ᐊᐅᓚᑦᓯᔪᑦ ᐅᕝᕙᓘᓐᓃᑦ ᑌᒃᑯᐊ ᓱᕐᕋᑕᐅᓚᖓᔪᑦ ᐱᓇᓱᐊᑦᓴᒧᑦ ᐃᓱᒪᖏᓐᓂᒃ, ᓂᓪᓕᕕᓕᐅᕐᓂᐊᕐᓗᑎᓪᓗ ᐅᖄᕕᑦᓴᒥᒃ ᓱᕐᕂᒍᑕᐅᓚᖓᔪᓂᒃ ᐊᒻᒪᓗ ᐃᓱᒪᒋᔭᐅᒋᐊᓕᓐᓂᒃ. ᑌᒫᑦᓭᓇᖅ, ᑖᒃᑯᐊ ᐃᓄᓐᓂᒃ ᐃᓱᒪᑦᓴᓯᐅᕐᓂᑯᑦ ᑲᑎᒪᑦᓯᓃᑦ ᑫᓪᓗᐊᑎᒥᒃ ᓄᐃᑦᓯᒍᓐᓇᑎᑦᓯᒥᔪᑦ ᐱᓇᓱᐊᕈᒪᔭᖓᓂᒃ ᐊᒻᒪᓗ ᐊᕙᑎᒥᒃ ᓱᕐᕂᓂᒍᑎᒋᓚᖓᔭᖏᓐᓂᒃ, ᒪᓕᑦᑎᖃᕐᑎᓗᒋᑦ ᐸᕐᓇᓯᒪᔭᖏᓐᓂᒃ ᑕᒪᒃᑯᓂᖓ ᓱᕐᕂᒍᑎᓂᒃ ᐃᑯᓪᓚᑎᑦᓯᒍᑎᒋᓂᐊᕐᓱᒋᑦ.

ᑕᒪᒃᑯᐊ ᑲᑎᒪᓃᑦ ᓯᕗᓂᖓᓂ. KEQC-ᑯᑦ × ᑫᓪᓗᐊᑎᒥᒃ ᐱᓇᓱᖃᑎᖃᕐᓱᑎᒃ × ᖃᐅᔨᒪᒍᑎᑦᓴᓂᒃ ᐱᓇᓱᐊᑦᓴᐅᑉ ᒥᑦᓵᓄᑦ ᐃᓄᓐᓄᑦ ᑐᓂᔨᓲᖑᕗᑦ. ᐃᓱᒪᑦᓴᓯᐅᕐᓂᓭᑦ ᐅᓪᓗᖏᑦ ᐋᕐᕿᓯᒪᓕᑐᐊᕐᒪᑕ, ᕗᕆᒋᕋ-ᑯᑦ ᑎᑭᑎᑦᓯᕕᐅᒍᒪᓲᑦ ᐊᓪᓚᓯᒪᔪᕐᑎᒍᑦ ᐅᖃᐅᓯᑦᓭᔭᕈᑎᓂᒃ ᑯᒻᒪᓲᑎᑦᓴᓕᓕᒫᓄᑦ. ᒪᑐᐃᕐᓗᑎᑦ ᐅᕗᖓ ᐃᓄᐃᑦ ᐃᓚᐅᖃᑕᐅᓂᖓᑦ.