ᐊᕙᑎᒥᒃ ᓱᕐᕋᐃᒍᑎᓂᒃ ᐅᖃᕈᑎᐅᑉ ᐃᓗᓕᖏᑦ
ᐃᓚᖓ 23.3.17 JBNQAᒍ-ᒥ ᐅᖃᕐᓯᒪᔪᖅ ᕗᕆᒋᕋ-ᑯᑦ ᑫᓪᓗᐊᑎᒥᒃ ᑎᓕᔨᒍᓐᓇᓂᖓᓂᒃ ᑲᔪᓯᑎᑦᓯᖁᓗᒍ ᓱᕐᕂᒍᑕᐅᓚᖓᔪᑦ ᖃᐅᔨᓴᕐᑕᐅᒍᑎᖓᓂᒃ. ᑖᒃᑯᐊ ᑎᓕᐅᕆᒍᑎᖏᑦ ᐅᖃᕐᑕᐅᓚᖓᔪᑦ ᑐᑭᒧᐊᒍᑎᓂ ᑫᓪᓗᐊᑎᒧᑦ ᑎᑭᑎᑕᐅᓚᖓᔪᓂ ᐊᐅᓚᑦᓯᔨᒻᒪᕆᒻᒥᒃ.
ᓱᕐᕂᒍᑎᓂᒃ ᖃᐅᔨᓴᕈᑎᐅᑉ ᐃᓘᓐᓈᒍᑦ ᐃᓗᓕᕆᒋᐊᓕᖏᑦ ᐅᖃᕐᑕᐅᔪᑦ ᓈᓭᑎᒥ 3-ᒥ ᐃᓚᖓ 23 JBNQA-ᒥ ᐊᒻᒪᓗ EQA-ᒥ. ᐅᑯᓂᖓ ᐃᓗᓕᖃᕆᐊᓕᒃ
- ᐱᐅᓯᐅᓯᒪᔪᑦ ᐱᓇᓱᐊᑦᓴᐅᑉ ᓯᕗᓂᖓᓂ;
- ᐅᖃᕇᑦᓯᐊᑐᑦ ᐱᓇᓱᐊᑦᓴᒥᒃ ᐅᓕᕐᓀᓯᒍᑏᑦ ᐊᒻᒪᓗ ᐊᕙᑎᒥᒃ ᐃᓅᖃᑎᒌᓂᓪᓗ ᑕᒪᑐᒪ ᓱᕐᕋᓚᖓᔭᖏᓐᓂᒃ;
- ᕿᒥᕐᕈᒍᑎᒥᒃ ᐱᓇᓱᐊᑦᓴᐅᑉ ᓱᕐᕂᒍᑎᒋᑐᐃᓐᓇᕆᐊᓕᖏᓐᓂᒃ;
- ᐅᓂᒃᑳᕈᑎ ᐱᓇᓱᐊᑦᓴᒧᑦ ᐊᓯᒋᓕᐅᑎᒍᓐᓇᑐᓂᒃ;
- ᐅᓂᒃᑳᕈᑎ ᐃᑯᓪᓚᑎᑦᓯᒋᐊᕐᓗᓂ ᐊᒻᒪᓗ ᓴᑐᕈᑕᐅᑎᓪᓗᒋᑦ ᐋᕐᕿᓯᒪᓚᖓᔪᓂᒃ ᐊᒻᒪᓗ ᐊᕙᑎᐅᑉ ᐸᐸᑦᓯᒍᑕᐅᓂᖓᑕ ᐱᓂᐊᕐᓂᖃᕈᑎᖏᓐᓂᒃ.